Потсетување: Денес од 12-30ч. на плоштад „Македонија” ќе има дружење со идолите од РК и Жрк Вардар

Потсетување дека денес по одличната одлука на управите на РК и ЖРК Вардар ќе се случи уште еден одличен момент за сите верни вардарови навивачи. Денес  сите вљубеници на црвено – црните бои  со своите идоли, ќе можат заедно со нив одблиску да се фотографираат, добијат автограм, па и некој дрес од Вардар. Според најавите дружењето е закажано со почеток во   12:30  и ќе трае  13:30 часот, истото ќе се одвива на  плоштадот „Македонија” во центарот на Скопје. Во известувањето од клубот за настанов се вели:

Сите љубители на ракометот и поддржувачи на црвено-црните ќе имаат можност да се запознааат со нашите играчи, да поразговараат со нив, да им постават прашање и секако, да се фотографираат и да добијат автограми. Вардар подготви и посебно изненадување за сите кои имаат ракометни афинитети. Натпреварувајте се, постигнете гол и добијте вредни награди и многу повеќе. Целата дружба ќе претставува заедничко загревање за спектаклот на кој сите му се радуваме, натпреварот против Висла Плоцк в сабота во 18:00 часот, на кој Вардар ќе атакува на победа и пласман во четвртфиналето од ЕХФ Лигата на шампионите.