Познати термините за двомечот со Пик Сегед, на 22.март Вардар е домаќин во Скопје

Познати се термините за осмина-финалниот двомеч на Вардар во Лигата на Шампионите. Како што е познато, наш противник во оваа елиминациска рунда ќе биде екипата на Пик Сегед од Унгарија.

Првиот дуел ќе го одиграме во Скопје на 22.март со почеток од 17:00 часот, додека на 29.март исто така од 17:00 часот ќе започне и реваншот во Унгарија.

Доколку го елиминираме унгарскиот вицешампион, во 1/4 финалето ќе играме со подобриот од дуелот меѓу екипите на Висла Плоцк и Веспрем.