Прес-конференција на РК и ЖРК Вардар за последните мечеви од групите во ЛШ

Ракометните екипи на Вардар претстојниов викенд ќе ги одиграат последните натпревари во групната фаза од лигата на шампионите. По тој повод клубот ќе одржи прес-конференција на која ќе ги изнесе очекувањата за овие натпревари. ЖРК Вардар својот прес ќе го одржи во петок со почеток од 11:45 часот, а 15 минути подоцна или во 12 часот прес-конференција ќе има и РК Вардар.

Вардарки својот натпревар против Турингер го играат во сабота со почеток од 17:30 часот, додека следниот ден во недела настап ќе има и машкиот тим кој на домашен терен во истиот термин го пречекува Кристијанштад. На двете екипи им се потребни победи за да го обезбедат првото место во својата група, иако женската екипа треба да чека “кикс“ на ФТЦ која пред својата публика игра против Буудќност.