Saturday ,23 November 2024
Последни:
Home > РК Вардар > Прв Тим > Гонзалес и Стоилов: Со Металург очекуваме добра посетеност, мечот е дерби и е од хуманитарен карактер
Гонзалес и Стоилов: Со Металург очекуваме добра посетеност, мечот е дерби и е од хуманитарен карактер

Гонзалес и Стоилов: Со Металург очекуваме добра посетеност, мечот е дерби и е од хуманитарен карактер

Posted by: М.Т - Лико 07/12/2017 in Прв Тим, РК Вардар

Дуелот  од регионалната  СЕХА Газпром лигата против градскиот ривал Металург во сабота за нашите момци ќе биде последен меч пред домашна публика година. Натпреварот со Металург е закажан за в сабота во 20,45 часот во СЦ „Јане Сандански”. Билетите за натпреварот се пуштени во продажба преку продажната мрежа на www.ticketplus.mk. Цената е 50 денари. Натпреварот против Металург ќе има и хуманитарен карактер. 
По тој повод денес се одржа пресконференција на која присисустуваа тренерот и капитенот на црвено-црниот ракометен колектив.

Раул Гонзалес – тренер на Вардар
„Ова е дерби со Металург. Мислам дека ќе биде добар меч, зашто секогаш меѓу овие две екипи има добар натпревар. Ние не знаеме кој ќе игра, Карачиќ и Абутовиќ беа повредени, па ќе го чекаме последниот тренинг. Очекувам интензивен меч како и секогаш. Очекувам публиката да биде во сала. Ние сме фаворит, но треба и така да се однесуваме.

Стојанче Стоилов – капитен на Вардар
„Градско дерби и меч со посебен карактер. Мислам дека ќе биде интересен како и сите досега. Верувам дека ќе ја оправдаме фаворитската улога, и нема да ја разочараме публиката. Мечот ќе има и хуманитарен каракет. Се надевам дека ќе дојдам повеќе навивачи за да му помогнеме на Борче Јовановски.