Црвено-црните дојдоа до нова третта последователна победа во ЕХФ Лигата на шампионите на гостинскиот дуел со РК Целје Пивоварна Лашко и до втор триумф на дуелите со Целје сезонава. Мечот заврши со победа на РК Вардар од 26-32. По крајот на мечот на стандардната прес конференцијата своите впечатоци ги искажа тренерот Раул Гонзалес, тој изјави:
Многу е тешко да се игра на овој терен. На почетокот Целје не изненади со одбрана 3-2-1. Не бевме добри во првото полувреме, па ни Штербик неможеше да ни помогне. Но, затоа во вториот дел одигравме одлично, и голманите беа на потребното ниво, одбраната исто. Кога требаше одигравме најдобро и се враќаме дома како победници.
Стрелецот број еден кај нас на овој дуел Мијајло Марсениќ пивотменот на РК Вардар , за овој гостински дуел во елитната европска ракометна лига изјави :
Знаевме дека ќе биде различно во однос на мечот од СЕХА лигата. Малку се мачевме во нападот и одбраната во првото полувреме. Но, се подобривме во второто и одигравме онака како што се договаравме на тренинзите во Скопје.