Вечерва со почеток од 17:15 часот по македонско време, нашиот ракометен шампион гостува во Букурешт на екипата на Стеауа. во рамките на 13.коло од СЕХА-лигата. Ова е всушност и последен меч за црвено-црните во оваа календарска година која полека изминува.
И на овој дуел, тренерот Гарсија Парондо ќе има проблеми околу составување на екипата. Во составот ќе ги нема подолго повредените Горбок, Фереира, Борозан, а на нив им се приклучува и Кристопанс кој изминатава недела направи принудна операција, поради која ќе го пропушти денешниот меч. Во составот ќе ги нема ниту Дибиров и Шишкарев, како и голманот Калифа Гедбан. Сепак останува да се одработи уште овој натпревар со силите што ги имаме на располагање.
Што се однесува до денешниот противник кој оваа сезона е дебитант во СЕХА-лигата, тимот на Стеауа се наоѓа на шесттото место на табелата со вкупно 15 освоени бодови. Романскиот претставник има пет победи, од кои четири беа на домашен терен, а единствениот пораз пред домашната публика беше од екипата на ППД Загреб, додека единствената победа на гостински терен ја забележаа во дуелот со екипата на Металург. Надобар стрелец на Стеауа е Хумет со 32 постигнати голови, додека по него следат Милошевиќ и Вегар со по 26 погодоци.
Натпреварот со директен пренос можете да го проследите на МРТ, како и Арена Спорт 2. И покрај многуте проблеми со повредени играчи се надеваме дека ќе прикажеме добра игра и дека со победа ќе ја заокружиме оваа 2018 година.