Кадетите на Рк Вардар предводени од тренерот Чивлачки ја забележаа првата победа во првенството. Во малата сала на С.Ц. Јане Сандански, црвен0-црните беа подобри од екипата на Радовиш. Конечниот резултат гласеше 32:23.
На овој меч видовме две различни полувремиња. Во првото, противникот беше тој кој имаше постојана предност и го контролираше резултатот. Во 23 минута се случи првото израмнување, кога резултатот на семафарот беше 8:8. До крајот на првиот дел, гостите повторно поведоа и заминаа со водство од 10:12.
Во второто полувреме видовме поинаков Вардар, следеше многу подобра игра на нашите млади надежи. Во 36 минута за прв пат на овој дуел поведовме со 14:13. Од тие моменти имавме постојана предност, која растеше како поминува натпреварот. Радовиш се закани со намалување на водството, стигнувајќи на 21:20. До крајот триумфот беше изразен со голема разлика, на пет минути пред крај резултатот беше 26:23. Од тие моменти Вардарци не примија ниту еден погодок, а постигнаа шест. Конечниот резултат гласеше 32:23.
Во екипата на Вардар највеќе се истакна Мартин Карапалевски кој постигна дури 9 голови. Благоја Антевски имаше 7 и Тони Атанасовски 6 погодоци.
Рк Вардар: Кизиќ, Брунчевиќ, Каранфиловски, Николовски, Атанасовски 6, Тевдовски, Карапалевски 9, Антевски 7, Нанов 4, Биковски 1, Ќосевски, Благопетров, Ангелковски 1, Мајсторовски 2, Динев, Гроздановски 1.