Vardar Fans
Многу подобра игра на денешниот втор натпревар на турнирот “Хеиде Куп“. Избранците на Парондо издвојуваа висока победа против актуелниот освојувач на ЕХФ купот, тимот на Фуксе Берлин, кој го победивме со резултат 24:31.
Откако Вардар не успеа да го реализира својот прв напад преку Борозан, тимот на Берлин погоди во својот прв напад. Првиот гол за црвено-црните го постигна Чупиќ, со удар од седум метри. Во следните 20 минути од натпреварот, противникот од германија има константно водство, кое не беше поголемо од два гола. Во два наврати имаа позитива од два гола, кога резултатот на семафорот беше 3:1 и 5:3, а да не беа трите одбранети зицер удари на Милосављев, Берлин можеше да се одлепи и на поголема предност. Сепак како одминуваше првото полувреме, иззбраниците на Парондо заиграа подобро, како во нападот, така и во одбраната. Второто израмнување се случи во 17 минута, кога погоди Дибиров од контра напад. Поторно стратегот од клупата на црвено-црните ротираше со својот состав, во кој повторно не беше Игор Карачиќ. Благодарение на погодокот на Шишкарев, за прв пат на мечот, Вардар беше во водство од 11:12 во 24 минута и истото успева да го зачува до крајот на натпреварот. Во последниот напад одлично одработивме акција, кога топката помина низ неколку играчи, за завршниот удар од десната крилна позиција во гол да го претвори Шишкарев, за резултат од 13:15 по првите 30 минути.
Истава позитива ја имавме и по седум минути игра во вториот дел, кога погоди новото засилување, Кисељев додека неговиот сонародник од руската репрезентација, Дибиров не успеа да реализира пенал за плус три, а на нашиот гол пак, Милосављев му брани зицер удар на Линдберг и спречи израмнување на резултатот. Нова одлична одбрана на нашиот голман, што го искористуваме во целост и со погодокот на Борозан, за прв пат на овој дуел, Вардар има позитива од три гола ( 16:19) во 42 минута. Само три постигнати голови за Берлин по 14 минути игра во второто полувреме, што беше знак за нивниот тренер да повика минута одмор, пред тоа Дибиров погодува за 16:20. Скубе е магионичар за асистенции, а тоа го докажува уште еднаш, кога со цепелин акција со Дибиров му носат предност на Вардар од 17:21, додека Борозан продолжува д аго полни голот на “лисиците„ и да донесе највисоки пет голови водство (17:22).Нов Вардар гледавме на овој натпревар, пресечена топка на Дибиров кој додава до Скубе, овој погодува за 18:24, за по само 30 секунди, Дибиров во нова контра да постигне гол за предност од 18:25.Вардар си поигруваше со противникот, а Горбок со топовски удар носи водство од 19:28 на шест минути пред крајот, додека на голот застана младиот Андреј Петковски. Браво за младиот чувар на мрежата, Петковски брани зицер удар, што многу значи за него. Прв гол во првиот тим и за уште еден млад играч, се работи за Марко Мишевски кој погоди од седум метри. На крајот голема победа на Вардар, изразена со резултат 24:31.
ВАРДАР: Милосављев (10 одбрани), Чупиќ 2, Скубе 3, Кристопанс 6, Дибиров 7, Мораеш 2, Петковски (1 одбрана), Горбок 3, Шишкарев 2, Кисељев 1, Стоилов 1, Борозан 3, Ставровски, Поповски 1, Мишевски 1.
