РК Работнички следен предизвик за младите ракометари на Вардар Јуниор

Младите ракометари на Вардар од екипата на суперлигашот Јуниор во недела на домашен терен во С.р.ц “Кале“ ја пречекуваат екипата која годинава има квалитетен тим, нов спонзор и амбиции во македонскиот ракомет тимот на РК Работнички. Ова градско дерби е закажано со почеток во 18-00 часот.

Нашите ривали се на второто место од табелата во Супер лигата, тие имаат еден пораз во досегашниот дел од првенството и со 18 бода се на 6 позитива од црвено-црните. Ова е дуел од 8 коло во суперлигашката конкуренција. Избраниците на Пепи Манасков во својата дебитанска сезона играат солидно имаат 12 бода и се петопласирани едно место под посакуваното четврто кое носи во плеј-офф разигрувањето на крајот од сезоната со тимовите на РК Вардар и РК Макс Струмица кои напролет ќе се приклучат во последната фаза од лигата. Минатото коло младите вардарци убедливо победиа со “фенерџијата“ РК Металург-2. Во ова коло уште се играат и дуелите:  Борец – Радовиш, Прилеп – Металург, Пролет – Охрид , Металург 2 – Пелистер.