Распоред на преноси за Е.П, Обрван на конечниот список со тројца вардарци

По завршувањето на двомечот со репрезенацијата на Црна Гора селекторот на сениорската македонската ракометна репрезенација Ивица Обрван го дефинираше конечниот список на ракометари кои ќе настапат на мечевите во Краков-Полска. Тој се реши да понесе со себе 17 ракометари и ако првично се очекуваше конечниот список да има 16 имиња. тројцата вардарци Стоилов, Ф.Лазаров и Манасков  се најдоа на списокот на патници за овој континентален собир. Списокот на црвено-жолти  репрезентативци кои заминуваат за Полска на 13-ти јануари во 12 часот, со чартер лет од Скопје за Краков е следниот :

-Борко Ристовски, Даниел Дупјачанец, Гоце Георгиевски, Влатко Митков, Кирил Лазаров, Наумче Мојсовски, Филип Миркуловски, Немања Прибак, Филип Кузмановски, Филип Лазаров, Дејан Манасков, Гоце Ојлески, Стојанче Стоилов, Жарко Пешевски, Никола Маркоски, Велко Маркоски, Ацо Јоновски.

Од европското првенство Полска-2016 ексклузивно право за пренесување на сите мечеви се разбира пред се тие на нашата селекција го има државната телевизија МТВ. Македонската радио и телевизија покрај преносите пред и по завршувањето на истите  ќе има специјални студиски емисии посветени на Е.П. Во продолжение видете го распоредот на ТВ преноси за нашата селекција во групната фаза :

• Петок, 15.01.2016
  18.00ч. МАКЕДОНИЈА – ФРАНЦИЈА
• Недела, 17.01.201620.30ч. МАКЕДОНИЈА – ПОЛСКА
• вторник, 19.01.2016

  18.15ч. МАКЕДОНИЈА – СРБИЈА