Денес во салата “Кале“ во Скопје се одигра младинското ракометно дерби помеѓу РК Вардар како домаќин и тимот од Битола, екипата на РК Пелистер. До реми во еден возбудлив дуел со машка игра дојдоа момците на Чивлачки и Грчевски, тие останаа непоразени во групата и по овој дуел, мечот заврши 35-35. Со ова покажаа дека пласманот на Ф4 во младинска конкуренција кој од претходно е обезбеден е сосема заслужен, ова беше последно коло од групната фаза.
Тргнавме одлично на почетокот по 3.минути игра водевме со 2-0, а по 5.минути со “плус три“ 4-1. Следеа минути на зелено-белите тие со серија 1-6 се одлепија на 5-7 за нив. Следеше брза реакција на нашата клупа која веднаш побара минута одмор и тренерот Слободан Чивлачки подели совети за враќање во игра по падот. Почнавме од минута во минута да газиме, игравме одлично во одбраната и казнуавме во нападот. Тоа донесе пресврт од два негатива отидовме на дури пет позитива, односно надокнадивме дури седум гола. Поведовме со 17-11 во 24.минута од натпреварот. Противникот по овој шок проба да се консолидира по побараниот тајм-аут. Тие до крајот на првите 30.минути пробаа да не стигнат, но единствено успеаа да ја ублажат негативата. На одмор заминавме со три гола предност за нас, на семафорот стоеше 19-16 во корст на црвено-црните.
Вториот дел го отворивме одлично, на самиот почеток поведовме со плус четири, 21-17. По пет минути игра ја задржавме таа предност и на семафрот во “Кале“ стеоеше 23-19 во наша корист. Со серија 0-3, зелено-белиот тим се врати во игра и намали на 23-22 во 39.минута, ние веднаш вративме со погодок за 24-22 и се вративме во позитива од два гола. Во 42.минута повторно видовме резултатска симетрија на семафорот во “Кале“, на истиот стоеше 24-24. И повторно се издигнавме кога е најтешко, со серија 3-0 поведовме со 27-24 точно на средината на вториот дел. Сепак Пелистер се врати и изедначи и се до крајот се играше гол за гол околу ремито. Во последната минута влеговме со резултат 35-35, двата тима имаа по една прилика сепак неуспеаа да погодат.
Вардар успеа во она што беше цел се пласиравме на Ф4, и тоа како првопласирани во нашата група без ниту еден неуспех на 14 дуела. Имавме дури 12. победи и само две нерешени во регуларниот дел. Кај нас прв стрелец беше: Ќосевски Ален со 11 гола, Милошевски Христијан имаше 8 погодоци, а одличнен со двоцифрен број одбрани беше и Тушев Александар.