РК Вардар ќе „тестира“ со Металург

Вардарци започнаа со подготовки за пролетниот дел од сезоната. Пред ракометниот клуб се тешки натпревари во месец февруари, период во кој треба да одиграат седум дуели во ЛШ и три во СЕХА-лигата.

Подготовките ќе ги пропуштат шест играчи кои се дел од СП во Египет. Се работи за Стоилов, Мишевски, Димитриоски, Талески, Валчак и Чупиќ, останатите се ставија на располагање на тренерот Алиушовски.

Металург на својата офцијална страна го објави подготвителниот период и натпреварите кои ќе ги одиграат. Еден од нив е дуел токму со нашиот Вардар, кој е закажан на 23 јануари. Познато е дека првиот меч на црвено-црните во новата година ќе биде на 28.јануари против екипата на Војводина, во рамките на СЕХА-лигата.