Ракометната репрезентација на Русија стигна до својата втора последователна победа на контролните натпревари против селекцијата на Белорусија. По вчерашната победа (31:26) двете репрезентации денес одиграа нов меч на кој повторно славеше Русија.
Во првите 20 минути се играше израмнето и Русија немаше предност поголема од два гола разлика. На десет минути пред крајот на првиот дел резултатот гласеше 10:9. Сепак до крајот на првото полувреме, Русија успева да постигне неколку последователни голови и на одмор да замине со солидно водство од 16:11. На стартот на второто полувреме, Белорусија прва постигна гол за намалување на резултатот на 16:12, по што следи серија на Русија од 3:0 за највисоки 19:12. До крајот успеаа да ја зачуваат предноста и на крајот да слават триумф (27:22)
Тимур Дибиров го заврши натпреварот со три постигнати голови, додека Шишкарев беше стрелец на два погодоци. Русија на СП се наоѓа во група со домаќинот Франција, Полска, Норвешка, Бразил и Јапонија.