Сите осум вардарци ја завршија кратката „одисеја“ на ЕП

Сите осум играчи од редовите на Вардар кои со своите репрезентации отпатуваа на ЕП, ја завршија својата одисеја уште во групната фаза. Дел од ЕП беа и Дејан Периќ и Александар Царчев, кои беа дел од стручниот штаб на Русија, односно Македонија.

Последен кој испадна беше Стојанче Стоилов кој со репрезентацијата на Македонија го загуби решавачкиот дуел против Австрија (28:32) и на тој начин заврши на третото место во групата, кое не беше доволно да се продолжи учеството на ЕП.

Претходно својот настап на ЕП го завршија Кристопанс и Кугис кои со селекцијата на Летонија го освоија последното место во групата, откако беа поразени на сите три меча.

Денес последното коло ќе го одигра и Русија, за која настапуваат осум играчи од редовите на Европскиот Шампион. Без разлика на исходот против Данска, Русија ги загуби шансите за второто место во групата и после овој меч се враќа дома.

Сигурно е дека Вардар многу бргу ќе се комплетира, но секако дека играчите кои беа дел од ЕП ќе добијат одмор, по што ќе се вратат на тренинзите.