Според „Handball TV” , Игор Карачиќ е најплатен играч во историјата на Вардар

„Handball TV” направи анализа на платите кои ги добиваат играчите кои се дел од Вардар.

Секако, пред ерата на Сергеј Самсоненко, платите биле пониски, што е и реално, според имињата на играчи кои го носеа црвено-црниот дрес, за истите значително да пораснат во последниве седум години.

Во времето на Михајло Михајловски, најплатен играч бил, Рајко Продановиќ со плата од 3.500 евра месечно, а по него следеле Борко Ристовски и Илија Абутовиќ.

По превземањето на клубот од страна на Самсоненко, во Вардар започнаа да доаѓаат звучни имиња како Дибиров, Душебаев и Штербик.

Според анализата на „Handball TV”, најплатен ракометар во историјата на Вардар е Игор Карачиќ, кој достигнал месечна плата од 15.500 евра, додека по него следеле Тимур Дибиров и Даинис Кристопанс со 15.000 евра, а Штербик бил со 14.800 евра месечни примања.