Три младински екипи на ракометниот клуб Вардар претстојниов викенд ќе ја стартуваат новата сезона. Двете пионерски машки екипи, како и женската кадетска екипа ќе го одиграат своето прво првенствено коло.
Оваа сезона во пионерската лига ќе се натпреваруваме со две екипи. Тоа е РК Вардар кој е предводен од Андријана Будимир, генерација родени 2002/03 година и дебитантите во лигата, РК Вардар Јуниор под водство на Зоран Петковски. Тоа е всушност нова генерација на ракометниот клуб Вардар, составена од ракометари родени 2004/05 година, чија примарна цел оваа сезона ќе биде да собира искуство преку натпреварите и да ја пронајде вистинската екипа, чиј израз треба да дојде веќе од наредната година. Распоредот на одигрување натпревари за пионерскиве екипи е следниов:
РК Вардар – Куманово сабота ( С.Р.Ц. Кале 13:00)
РК Вардар Јуниор – Бисинов Вардар сабота ( С.Р.Ц. Кале 15:00)
Својот премиерен натпревар во новата сезона ќе го имаат и кадетките на Вардар, односна тоа е истата генерација која минатата сезона стана шампион на Македонија во пионерската лига. Тренерскиот тандем останува ист, а тоа е Драгана Пецевска и Билјана Пецевска. Во првото коло, Вардарки гостуваат во Неготино, на екипата на Вардар – Неготино, натпревар кој се игра во недела со почеток од 16-30 часот.