Гонзалес го објави конечниот список, Стоилов и Поповски ќе бидат дел од ЕП во Хрватска

Селекторот на машката ракометна репрезентација, Раул Гонзалес го објави конечниот список на ракометари, кои ќе настапат на Европското првенство во Хрватска. Всушност тоа е истиот состав на кој сметаше за контролните натпревари против Саудиска Арабија и Србија, кои нашата селекција ги доби во своја корист.

Она што нас не интересира е дека ќе гледаме и двајца играчи од редовите на Европскиот шампион. Се работи за капитенот на Вардар, Стојанче Стоилов и неговиот соиграч, десното крило Мартин Поповски.

Македонија е во група со селекциите на Словенија, Германија и Црна Гора. Првиот натпревар на програмата е во сабота против Словенија, со почеток од 19:30 часот, со директен пренос на ТВ Телма.