Vardar Fans
Ракометната Јуниор лига продолжува успешно да се изведува и функционира во нејзината прва година. Во неа имаат можност да се натпреваруваат дечиња од различни возрасни категории, во машка и женска конкуренција. Натпреварите се играат во двете сали на С.Ц. Јане Сандански и С.Р.Ц. Кале. Ние како медиум кој паралелно известува за случувањата во оваа лига, продолжуваме со промоција на најмладите играчи, кои во иднина би можеле да ги видиме и во првите тимови на ракометниот клуб Вардар. РК Урдаревски-Вардар, чиј тренер е Никола Димовски ја има можноста да биде дел од овој голем проект на ракометниот клуб Вардар и да го покаже потенцијалот на дечињата кои тренираат во оваа школа.
-Силно сум импресиониран од организацијата која РК Вардар ја има во “Јуниор“ лигата и навистина ми е предизвик да се натпреварувам со вакви тимови, кои покажаа спремност во борбата да се биде шампион. Сметам дека екипите добро се подготвувале и често пати се соочувавме со сериозен противник, кој што го правеше натпреварот неизвесeн до самиот крај, но со тоа само уште повеќе се разгоруваше борбеноста кај нас и уште повеќе се зголемуваше желбата да се стигне до врвот.
Кристијан Стојановски е дел од екипата на РК Урдаревски, генерација родени 2000/01 година.
-Задоволен сум од постигнатото, благодарание на несебичната поддршка од нашиот тренер Никола Димовски, кој безрезервно ни го пренесува неговото искуство и знаење. Меѓутоа секогаш можеме да постигнеме и повеќе, кон кое ќе се стремиме во иднина.
Оваа лига е голем предизвик за секој учесник во неа. Можноста за докажување како одминува сезоната е се поголема, но и стекнувањето на нови познанства преку истата.
-“Јуниор“ лигата ја гледам како можност да покажеме што сме научиле на тренинзите, но истовремено преку натпреварите да размениме искуство и со другите тимови. За мене натпреварот би бил безначаен доколку немам зацртано своја цел. Можам слободно да кажам дека најпозитивното од лигата е пред се искуството што го стекнав, а преку играта изградивме и бројни нови пријателства, изјави Кристијан Стојановски за нашиот сајт.
Звонко Ивановски
