Стоилов испиша историја, вардаровиот капитен со најмногу настапи на ЕП

Капитенот на нашиот РК Вардар, Стојанче Стоилов испиша нова страница во историјата на македонскиот ракомет со вчерашниот настап против Словенија на Европското првенство.

Вардаровиот пикер впиша  29 натпревари на европските шампионати со што стана играч со најмногу одиграни мечеви за Македонија на континенаталните собири. Досега беше израмент со голманот Борко Ристовски и крилото Дејан Манасков (28), меѓутоа сега изби сам на врвот и ги остави зад себе сонародниците.

Кога е во прашање Топ 5 тука се уште Кире Лазаров (27), Филип Миркуловски (26) и Ацо Јоновски (25).