Стоилов стрелец на два гола во високиот пораз на Македонија

Со пораз стартуваше Македонија на СП во Египет. Во рамките на првото коло, избраниците на Брестовац доживеаа висок пораз од селекцијата на Шведска изразен со резултат 32:20.

Македонија одржуваше резултатска неизвесност во првите 15 минути, кога не му дозволи на противникот осетно да се одлепи. Откако Шведска поведе со 7:4, ние вративме со серија од три гола и израмнивме на 7:7. До крајот на првото полувреме, противничката репрезентација направи солидно водство од пет гола рзлика, па на полувреме се замина со резултат 16:11

Немавме сили во второто полувреме за нешто повеќе, едноставно Шведска го контролираше резултатот и лесно го пронаоѓаше патот кон нашата мрежа. На крајот не успеавме да избегнеме висок пораз.

Од вардаровите играчи, само Стоилов успеа да се запише во листата на стрелци, постигнувајќи 2 голови. Мишевски играше претежно во одбраната, лош дуел имаше Талески кој е постигна гол, додека Димитриоски имаше таква прилика во последните секунди од првиот дел, но не успеа да погоди.

Во сабота го играме вториот натпревар, противник е домашната репрезентација на Египет.