АМС го прогласи Стоилов за спортист на годината

Сосема заслужено, капитенот на европскиот првак, Стојанче Стоилов, е прогласен за спортист на годината во изборот на Агенцијата за Млади и Спорт (АМС).

Вардаровиот ракометар и македонски репрезентативец  ја освои европската титула и СЕХА лигата на клупски план.  Тој е дел од успехот и на државната селекција да обезбеди настап на големите натпреварувања.

Интересно во борбата за првото место ги победи Магомедгаџи Нуров (борење), човекот кој обезбеди Олимпијада и член на црвено-црното семејство односно БК Вардар. Подобар беше и од  Евгениј Поп Ацев (пливање), Емил Павлов (карате) и Димитар Ѓорѓиев (кик-бокс).