Вардар ќе ја затвори групната фаза од ракометната Лига на шампионите утре, со натпреварот против Монпелје. Иако главната цел е остварена, натпреварот носи добивка, пласман на петтото место во групата и полесен противник во осминафиналето.
За овој дуел, ЕХФ делегираше судиска двојка од Словачка. Станува збор за познатите судии Mихал Бадура и Jaрослав Oндогрекула. Делегат на дуелот во Скопје ќе биде Предраг Павичевиќ од Црна Гора.
Дуелот утре започнува со почеток од 17:30 часот.