Saturday ,27 April 2024
Последни:
Home > ЖРК Вардар > Викендов стартува третата сезона во ракометната Вардар Јуниор лигата
Викендов стартува третата сезона во ракометната Вардар Јуниор лигата

Викендов стартува третата сезона во ракометната Вардар Јуниор лигата

Posted by: М.Т - Лико 25/10/2017 in ЖРК Вардар, Младински лиги, Младински лиги, РК Вардар

Ракометната академија Вардар објави дека на 28 и 29 октомври е почетокот на третата сезона од најдобрите ракометни натпревари за најмладите. Викендов во четири града во Македонија страствените вљубеници во ракометните вештини на возраст од 5 до 15 години стартуваат со натпреварите организирани според највисоките професионални стандарди. Првото коло во новата, третта сезона во Јуниор ракометната лига ќе се игра во Прилеп, Кичево, Скопје, а новина е што сезонава ќе се игра и во Тетово. Веќе во следните кола ќе има натпревари  и пред публиката во Велес.

.Распоред вели дека во сабота, на 28 октомври се игра во Прилеп во спортскиот центар „Универзална сала”, во Кичево во спортскиот центар „Христо Узунов” и во Тетово во салата при средното економско училиште „8 Септември”. В недела на 29 октовмри во Скопје се игра во спортскиот центар Кале.

 Момчињата ќе играат во генерацијата 2002/03, додека генерациите 2004/05 и 2006/07 ќе играат и во машка и во женска категорија. Новина е што момчињата и девојките родени 2006/07, кои лани ги гледавме во мини ракомет сезонава за првпат ќе играат ракомет на цел терен. Во неколку машки тимови во генерацијата 2002/03 сезонава ќе играат и девојчиња. Во мини ракомет, пак, ќе се натпреваруваат дечињата родени 2008 и помали.