Vardar Fans
Денес во „Јане Сандански“ се игра вториот натпреварувачки викенд од 6.турнир „Еден живот, една љубов“ во организација на Академијата на РК Вардар. На програмата се дуелите кај момците родени 2008/09. Од утрово се одигра првиот круг на мечеви.
Во првиот дуел, РК Бисинов од Велес го совлада тимот на РК Будимир Вардар со резултат 17-6. Велеѓани поведоа на почетокот, со 2-0 и 3-1. Успеаа да бидат подобар противник и да заминат на одмор со предност од три гола на своето конто. За време на паузата на семафорот стоеше 6-3 за тимот на Бисинов.
Во вториот дел се играше далеку поефикасен ракомет од првиот период на овој натпревар. Скопскиот рим успеваше да парира се до 10-6 потоа следеше доминација на велешката екипа. Тие со доминантна игра победија со резултат 17-6 на оваа средба.
РК Кисела Вода Вардар го совлада тимот на РК Бисинов-2 со високи 19-4 во втората средба. Целосна доминација на тимот од Скопје во првиот период од 15.минути колку што се играат полувремињата на овој турнир. Тие на одмор заминаа со резултат 13-1.
Вториот дел беше формалност, истиот беше далеку по неефикасен период во однос на првиот. Тимот од Велес успеа да парира делумно во овој период, тие на секој два гола успеваа да одговорат со еден во мрежата на ривалот за конечни 19-4.
Третата средба донесе битка помеѓу РК Ѓорче Петров Вардар од Скопје и РК Филип од Прилеп. Тимот од скопје успеа да дојде до лесна и убедлива победа на оваа средба со резултат 14-6. Тие отворија фуриозно со серија 8-0. Во последните две минути прилепчани беа подобар противник и со два гола ја ублжија негативата пред одморот, резултатот беше 9-2 за време на паузата.
Веќе се беше предодредено во однос на победникот, тимот од Скоопје со игра гол за гол ја чуваше предноста. Тие успеаа во финишот и да ја зголемат за еден погодок во однос на полувремето. Победата дојде со резултат 6-14.
РК Седмерец од Охрид и тимот на РК Ангели Вардар од Скопје одиграа реми 15-15 во еден интересен дуел, мечот заврши 15-15. Мечот започна со неколку резултатски симетрии, беше 1-1, 2-2, па на крајот 3-3. Потоа тимот од Скопје одигра подобро и успеа да отиде на пауза со резултат 9-6.
Охриѓани влегоа фуриозно во 2.полувреме, со серија 4-1 успеаа да изедначат на 10-10. Потоа двата тима се менуваа во водството се до крајот на оваа средба. Истата заврши со нерешен резултат 15-15 и поделба на бодовите помеѓу овие два тима.
