Унгарските медиуми велат дека голманот Шего е можно засилување на Вардар

Унгарскиот веб портал „delmagyar.hu”,  вели  дека на Марин Шего му истекува договорот  со Сегед  и дека  хрватскиот голман  можно е да ја продолжи кариерата во македонскиот шампион, Вардар. Тие велат дека  не би било изненадување ако тренерот на Вардар, Роберто Парондо го ангажира во црвено-црниот табор.

Оваа  информацијата  доаѓа по веста од вчера дека Роланд Миклер кој досега беше дел од тимот на Веспрем, потпиша три-годишен договор со Пик Сегед. Шего е искусен 33-годишен голман, тој е во Пик Сегед од 2016-та, во кариерата  настапуваше уште за Извиѓач Љубушки, Зрињски Мостар, Перутнина, Загреб, Висла и Келце.

.