Успешна приказна! Од РК Илинден Вардар дури 6 нивни членови кои играа во “Јуниор лигата“, од сезонава се дел од младите категории Вардар

По само една година фунционирање на ракометната Јуниор лига  се покажува дека големиот проект со ракометните школи низ земјава кој влегоа во големото црвено-црно семејсво ги дава првите резултати. Настап во Јуниор лигата овозможи напредок и голема шанса за надоградување на младите ракометни надежи со нови знаења и шанса да бидат препознаени и регрутирани за тимовите на Вардар. Во оваа сезона 2016/2017 низ  селекција за регрутирање на играчи во младите  категории ракометната школа на Вардар која фунционира во скопската населба Илинден успеа да и бидат регрутирани шест нивни члена. Вредно за напомена е дека тие лани “дадоа“ девет играчи за Вардар.

Оваа преспективна ракометна школата која фунционира веќе деценија наназад и која влезе во проектот на Вардар за младински школи низ земјава е вистинска прилика младите идни ракометари да ја научат оваа прекрасна игра. Признанијата што ги добиваат со тоа што огромен број нивни играчи се забележани и “повлечени“ во вардаровите школи не е случаен, тоа е плод на макотрпната работа и пред се професионалниот пристап на тренерскиот двоец Александра Јанев и Дарко Јанев. Дарко е поранешен играч на РК Вардар и се уште актуелен ракометар кој е идол на младите ракометари . Овој тренерски двоец со голем ентузиазам и ја пренесува љубовта кон ракометот на помладите. Голема прилика за надоградување е настапот во вардаровата “Јуниор лига“ каде членовите на РК Илинден се натпреваруваат со своите врсници. Тие во кадетскиот состав за ова сезона ги имаат следниве четири имиња:

• Виктор Крстевски – Лево крило -роден 1999 година.
• Јоаким Ангеловски- Голман роден 2000 година.
• Дамјан Јакимовски – Десно крило роден 2000 година.
• Бобан Стојановски- Лев Бек роден 2000 година( е земен малку порано останатите негде на почетокот од оваа година)

Од пред некој ден се потврдени и две нови имиња за во пионерскиот состав кој е предводен од Будимир, во чии ростер од минатата сезона има четири деца “создадени“ низ школата на РК Илинден Вардар. Двете нови ракометарчиња кои се дел од овој состав се :

• Матео Јанчев-Пикер-роден 2003 година 
• Дамјан Трајковски- Среден бек- роден 2003 година