Европски првак Вардар, повторно е „магнет“ за спонзори од банкарскиот сектор. Пред речиси три недели објавија дека главен финансиер ќе биде „Комерцијална Банка АД Скопје“, денеска уште еден банкарски гигант стана спонзор на „црвено-црните“, а тоа е „НЛБ Банка“.
„НЛБ Банка“ ќе го спонзорира Вардар во претстојната сезона 2020/21, а логото на банката ќе биде на дресот на европскиот шампион. Од новиот спонзор велат дека се среќни што ќе бидат спонзори на европскиот првак, а освен овие банки, на дресот ќе го пишува и името на „Ватростална“, компанија која е во сопственост на старо-новиот претседател на Вардар, Михајло Михајловски.