Friday ,29 March 2024
Последни:
Home > РК Вардар > Втор тим > Вардар јуниор утре гостува кај Рк Охрид 2013
Вардар јуниор утре гостува кај Рк Охрид  2013

Вардар јуниор утре гостува кај Рк Охрид 2013

Екипата на РК Охрид 2013 која доаѓа од истоимениот град е следен противник на тимот предводен на клупата од Пепи Манасков. Овој дуел е во рамките на деветото коло од  најквалитетното македонско клупско натпреварување “Супер лига“. Тимот на Охрид 2013 во  најубавата  охридска спортската сала “Билјанини извори“ ќе ги пречека младите црвено – црни ракометни надежи.

Дуелот е закажан утре 18 ноември (среда) со почеток во 18-00 часот. Домаќините во досегашниот дел од суперлигашкото натпреварување имаат 6 победи од 8 меча и со 18 бода се на третата позиција која е добитна за пласман на крајот од сезоната во плеј-офот. Намшите момци имаат победа помалце и моментално се пласирани на две позиции подоле од домаќинот на ова соочување. По ова гостување следен предизвик за младите вардарци е мечот на домашен терен со тимот на РК Радовиш закажан според натпреварувачкиот календар на ракометната федерација за 28 ноември во С.р.ц “Кале“ .