Актуелниот Европски шампион е трет најгледан тим во ЛШ, на домашен терен

Актуелниот шампион на Европа, екипата на Вардар и оваа сезона имаше голема поддршка од своите навивачи на натпреварите во Лигата на Шампионите. Според статистичките податоци, оваа сезона вардарци во С.Ц. Јане Сандански ги гледале околу 5168 навивачи, што ги става на третата позиција според гледаноста на домашен терен. Првото место е за екипатa на Кил, додека на второто место е тимот на ППД Загреб. Претстојниов викенд, Вардар во Келн ќе се обиде да ја одбрани Европската титула, а се очекува повторно да има поддршка од своите навивачи, кои сигурно во голем број ќе отпатуваат за Келн.

Ова се најгледаните екипи во ЛШ, на домашен терен.