Tuesday ,21 May 2024
Последни:
Home > РК Вардар > Прв Тим > Во четврток Вардар гостува во Битола, по заверка на шампионската титула
Во четврток Вардар гостува во Битола, по заверка на шампионската титула

Во четврток Вардар гостува во Битола, по заверка на шампионската титула

Ракометната федерација на Македонија ги одреди термините за натпреварите од 10.коло во плеј-офот на ракометната Супер лига.

Во четврток (20.05), Вардар гостува во Битола кај екипата на Еурофарм Пелистер во дербито на колото. Со евентуална победа, црвено-црните сигурно дека ќе се промовираат во Шампиони на Македонија. На Вардар му одговара и пораз, но тоа да не биде поголем од осум голови разлика, со оглед дека првиот натпревар одигран во С.Ц. Јане Сандански заврши со висока победа на Вардар со резултат 35:27.

Сигурни сме дека момците на Алушовски нема да тактизираат и ќе одат на победа против големиот ривал и тоа во нивната сала. Со истиов противник се сретнавме и во големото финале на Купот, каде Вардар славеше победа со резултат 26:24 и на тој начин го освои 14.трофеј во Купот.

Натпреварот во четврток во спортската сала „Боро Чурлевски“ ќе стартува од 18:00 часот.