Вардар им се врати на победите, Металург поразен во „Јане Сандански“

По двата порази едно по друго, Вардар им се врати на победите откако поладнево го совлада тимот на Металург со (25-20), кој се одигра во СЦ „Јане Сандански“ во Скопје.

Вардарци во првиот дел се мачеа и не го скршија отпорот на противникот, па така на пауза се замина со егал, 8:8. Во вториот дел Вардар одигра далеку подобро и на крајот сосема заслужено победи со пет голови разлика за прекинување на црната серија. Анте Гаџа беше расположен за голови денеска, а добар натпревар одигра и Чупиќ.

Прво име кај стрелците кај Вардар беше Анте Гаџа со пет гола, Чупиќ постигна четири, додека Стоилов, Дибиров и Вујин завршија со по три гола, а кај Металург, Тарабокија беше најдобар стрелец со седум гола.

Од голманите кај вардарци, Кантегрел имаше пет интервенции, а Кизиќ застана на шест.