Вардарци се враќаат од Франција со победа!

Вардарци тешко, со многу труд, но најважно е тоа што го победија денешниот противник, францускиот Монпелје за прва радост во новата сезона во Лигата на Шампионите. Следен противник за нас е тимот на  Пик Сегед.

• Натпреварот започна со гол на Дибиров од седум метри, но потоа следуваше период кога нашиот шампион не успеа цели седум минути да постигне гол. Серијата ја прекина Брумен, за резултат 4:2 на семафорот. Изненадувачки мечот го започнавме со Циндриќ како организатор на играта, која не донесе резултат. Штербик одлично бранеше, но Монпелје ја превзема контролата на играта. Дибиров во непрепознатлив стил промаши неколку зицер удари, што му овозможи на Монпелје да поведе со 6:2. Во продолжение следи подобра игра на вардарци, кои намалуваат на 8:5. Македа го заменува Алекс, а Манасков влегува во игра на местото на Дибиров. Со голот на Македа се доближуваме на два гола негатива 9:7 во 22 минута. Штербик продолжува во одлично темпо на голот, не дозволувајќи му на противникот да се одлепи на поголема позитива. Со погодоците на Циндриќ и Македа заминуваме на полувреме со поднослива негатива од 12:9

  Старт на второто полувреме, во игра влегува Карачиќ за прв пат на овој дуел. Дибиров погодува за 12:10 Брумен втор гол, за 12:11 одличен почеток за вардарци. Штербик во серија на одбрани, Тоскиќ погодува за 12:12, Македа игра одлично денеска 4/4 за водство на 14:15, Дибиров гол, петти на денешниот меч за +2 за Вардар, браво Дибиров! Штербик брани пенал! останува 15:17. Македа игра одлично 15:18 5/5 за Македа, 41 минута од натпреварот. Низа на грешки на Вардар, четири гола во низа за Монпелје 19:20 47 минута од натпреварот. Стоилов прв гол за 19:21, прв гол за Душебаев 21:23. Одржуваме +2 на овој натпревар што е многу важно, ајде момци уште 8 минути до крајот! Деревен четврти гол за 24:26 55 минута од натпреварот. Гоооол за Вардар +3, Штербик 15 одбрана! Точка на денешната средба стави Карачиќ за +4 уште три минути. Тоскиќ четврти гоооол за победа!
  Крај на натпреварот: Монпелје – ВАРДАР 25: 30

  Штербик имаше неверојатни 17 одбрани, Дибиров и Македа најефикасни со 6 постигнати голови.

  Фото: rkvardar.mk