Арена Спорт 3 ќе врши пренос од дуелот на Вардар со Монпелје

Утре стартува мисијата одбрана на Европската титула за екипата на Вардар. Не очекува старт на сезоната во Лигата на Шампионите, каде Вардар гостува кај екипата на Монпелје.

Идентично ја стартувавме и минатата сезона, токму со гостување кај Монпелје, кога успеавме да победиме, подоцна стигнавме и до вториот трофеј во ЛШ. Утрешниот натпревар е закажан да започне од 17:15 часот.

Навикнати сме да најавуваме преноси од ЛШ, преку каналите на Арена Спорт кои цела мината сезона го даваа Вардар, така ќе биде и оваа сезона. Мечот утре можете да го проследите на Арена Спорт 3, а пренос ќе врши и МРТВ.