Со мечот помеѓу Рајн-Некар и Брест Мешков, стартува 3.коло во најсилната група А од ЛШ

Со натпреварот помеѓу Рајн-Некар и Брест Мешков стартува третото коло, во рамките на најсилната група А од Лигата на Шампионите. Токму белорусите и Вардар се единствените екипи кои имаат маскимални четири освоени бодови, после првите две одиграни кола, но факт е дека и двата тима во ова коло имаат тешки гостувања.

Вардар во сабота ќе гостува на Веспрем, екипа која важи исто така за претедент на завршниот турнир во Лигата на Шампионите и екипа која тешко се совладува на домашен терен. Истиов ден силите ќе ги одмерат екипите на Кристијанштад и Барселона, додека во недела колото во оваа група ќе биде комплетирано со натпреварот помеѓу екипите на Монпелје и Киелце.

Како изгледа табелата после двете одиграни кола.

1. Вардар  4

2. Брест Мешков  4

3. Барселона  2

4. Киелце  2

5. Веспрем  2

6. Рајн-Некар  2

7. Монпелје  0

8. Кристијанштад  0