Vardar Fans
Вардарци полека се комлетираат, па се очекува во сабота да го одржат и првиот собир и со тоа да означат старт на подготовките за новата натпреварувачка сезона.
Во следниве два дена, во Скопје треба да пристигнат и останатите засилувања, за да се комплетира ростерот. Во петок е закажано тестирање на играчите за „Ковид-19“, па следниот ден, тренерот Алушовски треба го има и првото обраќање кон играчите.
Од новите засилувања, во Скопје, веќе пристигнаа Кантегрел и Гаџа, од староседелците додека трае пандемијата со корона вирусот, во Македонија решија да останат Дибиров и Калараш, додека во Скопје пристигна и Дисингер, а последен на подготовките треба да се приклучи Чупиќ.
Македонските клубови се уште го очекуваат протоколот од министерството за здравство, за текот на тренинзите и програмата по која ќе може да се работи. Не е исклучено првите денови да се тренира и на отворено, а се зависи како ќе продолжи актуелната ситуација со вирусот.
Вардар планира да игра на турнирот во Струга, како и на Кањижа Купот, каде ќе се подготвува за финишот од СЕХА-лигата, каде најпрво треба да го одигра реванш мечот од 1/4 финалето против Нексе, а потоа и да настапи на Ф4 турнирот, каде го брани трофејот освоен од минатата сезона.
