Во среда, Вардар го игра првиот натпревар во новата година, гостува кај Металург

Првиот натпревар во новата година, ракометарите на Вардар ќе го одиграа во среда (02.02.2022) во рамките на домашната Супер Лига. Во рамките на 17.коло, вардарци гостуваат во Автокоманда кај екипата на Металург.

Ова ќе биде и деби за Давид Дејвис на клупата на црвено-црните, а неговиот тим не би требало да има никакви проблеми околу обезбедување на победата. Во минатото натпреварите со Металург беа дерби и празник за ракометот, но тимот од Автокоманда во последно време се соочува со голем број на фунансиски проблеми, како последица на што заминаа голем број на играчи.

Натпреварот во среда ќе се одигра од 18:00 часот. За судии се делегирани Ѓоко Колевски и Сашо Кркачев, додега делегат е Зоран Кимовски, сите доаѓаат од Скопје.