Вардар вечерва против Бутел го обезбедува финалето на струшкиот турнир

Денес, ракометарите на Вардар го играат вториот натпревар на турнирот во Струга. Противник за избраниците на Веселин Вујовиќ ќе биде екипата на Бутел.

Вардар победи на првиот натпревар против домашниот тим на Струга (39:26), додека вчера Бутел го имаше првиот дуел на турнирот, против екипата на Струга одигра само со нерешен резултат 23:23.

Вардар е голем фаворит на овој натпревар и се освен победа ќе биде големо изненадување. Натпреварот стартува во вечерниот термин од 21:00 часот со директен пренос на МРТ. Со евентуален триумф, Вардар ќе се пласира во големото финале на турнирот во Струга.