Вардар Јуниор домаќин на РК Бутел Скопје во дуел од 7.коло во Супер лигата

По еден викенд пауза поради ЕХФ неделата продолжуваат возбудувањата во машката ракометна Супер лига овој викенд. Младиот тим на Вардар Јуниор во ова 7.коло е домаќин на скопскиот ривал екипата на РК Бутел Скопје.

Момците на Стојан Петрушевски и Пепи Манасков по сегашните 6.кола имаат освоено 6.бода со двата триумфа на домашен терен. Нашиот ривал има двојно подобар ефект и на своето конто има 12.бода во досегашниот дел од суперлигашката есен. Натпреварот кој ќе го одиграме во Спортскиот центар “Јане Сандански“ во Скопје (мала сала)  е закажан за во сабота, 3.ноември со почеток во 13-30 часот.