Јања Војводиќ најде тим во Романија, тој е нов член на Баја Маре

По две европски круни во изминатите  три сезони српскиот интернационалец Јања Војводиќ се разделува со црвено-црниот тим. Тој во Вардар имаше епизодна улога, па неговото заминување нема значајно да влиае на тимот.

24-годишниот  среден  бек од есен ќе биде дел од романскиот тим Баја Маре. Тој потекнува од школата на Врбас, Јања е  повремен српски репрезентативец. Постојано беше во сенка на феноменалните средни бекови на Вардар, Циндриќ, Карачиќ и Скубе па по истекот на договорот си побара нова средина.  Ова ќе биде 5ти негов интернационален предизвик, покрај во Вардар играше во Металург,  Сласк од Полска  и шпанскиот тим Пуенте Хенил.