Vardar Fans
Избраниците на Раул Гонзалез за Словенија ќе патуваат со 15 ракометари, добра вест е враќањето во составот на столбот на одбраната Илија Абутовиќ. Познато е кој ракометари ќе го пропуштат овој дуел, бидејќи има настинка нема да патува Владо Недановски, а во Скопје остануваат и средниот бек хрватскиот репрезентативец Игор Карачиќ и голманот Страхиња Милиќ-Џамбо. Ова е петти дуел за двата колектива, кои моментно се првопласирани екипи на табелата. За овој дуел кормиларот на РК Вардар тренерот Раул Гонзалеc, вели:
Очекувам да играме тежок меч, зашто во Словенија секогаш е тешко да се игра. Целје има добри играчи кои играат одличен ракомет и имаат одлична контра. За мене најопасен играч е Зарабец. Треба да бидеме подготвени за него, зашто знае добро да нападне и да соработува со пивотмен. Кога имаат полуконтра многу се опасни. Треба да се фокусираме околу одбраната. Целје секогаш дава 30-32 гола на натпревар. Очекувам публиката да ужива, и ние сакаме да победиме и да останеме на првото место на табелата.
