Вардарци денес започнуваат со настапи на турнирот во Струга

Денес вардарци заминуваат за Струга, каде ќе бидат дел од 49.издание на овој традиционален турнир.

Токму Вардар ќе ја има честа да го отвори турнирот и тоа со натпревар против домашниот тим на Струга. Натпреварот ќе започне од 18:00 часот. За 20:00 часот е планирана церемонијата на свечено отварање, додека од 21:00 ќе играат екипите на Тиквеш и Металург.

Вардар не успеа да го одбрани трофејот во Супер Купот, откако доживеа висок пораз од екипата на Еурофарм Пелистер. Во тимот не беа вклучени сите засилувања, па се очекува истите денес да ги видиме на теренот во Струга.

Вториот натпревар го играме на 14.август против екипата на Бутел. Во другата група се наоѓаат екипите на Металург, Тиквеш и Еурофарм Пелистер. Првопласираните од групите ќе играат во големото финале, кое на програмата е на 15.август.