Интервју со Јаничиќ: Во нашиот Вардар ЕМ вложувавме многу во девојките кои се иднината на овој спорт

ЖОК Вардар ЕМ е есенски хит во македонската женска одбојкарска конкуренција, овој млад колектив кој прв пат игра во сениорска лига е лидер за време на зимската пауза. Неговите млади одбојкарски екипи во младинските лиги „жнеат“  успеси оваа есен од сезоната 2021/2022 година. Покрај тоа имавме и голем број на повикани репрезентативки во младинската селекција. Ви носиме интервју со „срцето“ и „крвотокот“ на оваа црвено-црна одбојкарска екипа.

Разговараме со веројатно најзаслужната личност во оваа екипа, главниот тренер и раководител на екипата, Емилија Јаничиќ (претходно Мојсовска, моминско по кое беше позната и во мак.одбојката). Нејзиното одбојкарско „СV” е во најмала рака кажано пребогато и преобемно за опишување, личност која е дел од основањето на женскиот одбојкарски спорт во независна Македонија од раните 90-ти до денес. Како играч има голем број на клубови во  криерата која  ја започнува во  АЖОК Студент од Скопје  каде настапува од 1989 до 1994 година. Најголем дел од играчката кариера минува во  ЖОК Работнички Фершпед (1994-2001 год), потоа е член на  ОК Кометал Студент (2001-2003 год) и  ОК Форца Волеј  кога овој тим започна да игра значајна улога во мак.одбојата од 2007 до 2009 година. Кариерата ја завршува со настап во тимот на  ОК Гњилане во соседно Косово (2009-2010 година).

Кога сме кај трофеите има дузина на тимски и лични признанија, има неверојатни 18 пехари во кариерата. Зад своето име има освоени 8 шампионски и дури 10 Куп титули. Ги брани боите од основањето на македонската одбојкарска репрезенација во 1990 година, најпрвин во  младинска, секако потоа долго време и во сениорската мак.селекција.  Исто така има огромен број на лични признанија, повеќе пати прогласувана за најкорисен играч (МВП) на завршните финални турнири за Куп или првенство и секогаш во потесниот избор на најуспешните одбојкарки од државава.

По крајот на кариерата запловува во тренерските води, каде е еднаков успешна како и како одбојкарка. Во 2018 гододина е селектор на кадетската репрезентација на Балканско првенство, следната 2019 година е  селектор на понерска репрезентација на Балканско првенство. Оваа, 2021 година  е прв тренер на младинската репрезентација  која настапи на Балканско првенство. Нормално сегашните успеси со ЖОК Вардар ЕМ се нешто блескаво, лидер е во сениорската втора лига со тим кој е половина кадетски половина младински, одлично котираме и во младинската и кадетската лига под нејзино водство. Треба да се напомене дека  нејзиното прво  искуство во работа со деца датира во минатиот век,  поточно  од  веќе далечната 1999 година.

Уште еден интересен факт треба да донесеме за  Емилија Јаничиќ во ова претставување, таа до пред прекинот во целиот спорт поради светската пандемија со Ковид-19 со ветеранките на ОК Работнички настапуваше обично два пати годишно на турнири. Истите се играа Србија, Хрватска, Црна Гора, Чешка и секаде и во оваа возраст мак.одбојкарките и  Јаничиќ успеваа да соберат пехари на речиси сите собири.

-На почетокот од Јаничиќ побаравме да не запознае со тренерскиот  и играчкиот кадар кој го поседува  тимот. Пота со  целите, визиите и остварените успеси на нашата екипа, за сето тоа таа вели: 

 Од самиот старт нашате цел беше од година во година да растеме како екипа и да создадеме тим од наши домашни перспективни играчи,кој заедно со нас ќе созрева и ќе може да одговори на предизвиците кои ќе следат. Посветено и трпеливо работевме со нашите девојки и одлучивме дека оваа натпреварувачка сезона 2021/ 2022 е година во која можеме и треба да си ги пробаме нашите сили во сениорското државно првенство, иако екипата во најголем дел е составена од младинки и неколку кадетки.

Тука секако морам да спомнам дека голем проблем беа и финансиите, бидејќи знаеме дека спортот кај нас функционира преку ваучер системот, а нашата екипа се уште нема ваучер. Оваа година наидовме на разбирање од страна на големи луѓе (кои тука нема да ги спомнам) и успеаа да одвојат средства и решија да инвестираат во нашата екипа. Се се сведе на нивната добра воља, за што сме им премногу благодарни.

Сигурно дека имаме големи очекувања во пролетниот дел, иако ни претстојат уште многу натпревари. Со сениорската екипа очекуваме да се бориме и да влеземе во Првата државна лига (доколку ни дозволат, а за ова ќе коментирам во некоја друга прилика). Тоа беше и останува наша цел уште пред пријавувањето на екипата. Со младинската екипа како шампиони и вице-шампиони, очекуваме повторно да се бориме за титулата, во категорија кадетки исто така пласман на завршниот Ф-4 турнир. Пионерската екипа во голем дел се сведува на почетници со кои допрва треба многу да работиме, поради тоа што пандемијата и затворените сали си го направија своето.