Завировски со нова добра трка овој пат во Гевгелија

 Нашиот атлетичар, Петре Завировски продолжува со одличните настапи. Има инзворедна сезона зад себе. Викендов, Гевгелија ја собра целата атлетска елита од Македонија. Имавме и изедначување на националниот рекорд на 10км на пат од страна на Дарио Ивановски.

Нашиот, Петре Завировски го продолжи својот континуитет и истрча одлично. Од прв до последен километар Александар Кираџиев го диктираше ритамот и успеа да го извади максимумот од нашиот атлетичар. Патеката долга 10км овој пат Завировски ја мина за 37-21 минути. Овој резултат одново е во рамките во кои трча Завировски оваа сезона.

Вардарецот истрча 6 трки на 10км оваа сезона. Негов најдобар резултат е 36-48, а најслабиот е 37-25, одличен континуитет. Оваа сезона полека привршува. Најверојатно Завировски ќе одработи уште неколку трки и потоа ќе започне подготовки за новата сезона која вообичаено ја стартува кон средината на февруари. Се надеваме на уште подобри резултати следната сезона.