Vardar Fans
Помладите пионери на ФК Вардар денес одиграа првенствен дуел на домашен терен, на оваа средба гостин ни беше тимот од Штип, екипата на ФК Брегалница. Одигравме реми 1-1 (1-10, иако имавме шанса за победа во вториот дел од пенал се задоволивме со поделба на бодовите на овој дуел.
Тренерот Јанев го започна мечот со следниот состав: Краљевски Максим, Николов Михаил, Ајетовиќ Нуман, Порчу Димитар, Танчев Михаил, Величковски Андреј, Гаштаров Матеј, Николовски Марко, Цониќ Максим, Миовски Александар и Јанкоски Драган.
Првиот дел започна со резервирана игра на двете страни, за црвено-црните помлади пионери два обида за погодок имаше Величковски Андреј. Иако ние имавме повеќе од играта во поле, прв поведе тимот од Штип. Екипата на Брегалница искористи едно наше невнимание и поведе со 0-1, во 21.минута од оваа средба. Голема шанса за погодок имаше Гаштаров Матеј, кој само ја здрма пречката од голот на ривалот. Бевме ориентирани на офанзива, со удар од дистанца се обиде и Величковски, тој удар заврши над гредата. Во 41.минута бевме во пробив од десната страна, противникот направи фаул на 25.метра одкосо, крај аут линијата. Мајсторски слободен удар изведе Ајетовиќ Нуман, тој погоди во спротивниот агол за 1-1 во 42.минута, резултат со кој се замина на одмор.
Во вториот дел тргнавме да направиме целосен пресврт на оваа средба, тренерот Јанев уфрли три нови играчи во поле, во 61.минута влезе Анастасов Матеј, а пет минути по него Цековски Давид, на 10.минути пред крај се обидовме со фрлување Брзаковски Ангел. Имавме многу повеќе од играта во поле, се заканувавме, но за жал не погодовме. Најпрвин две шанси имаше Гаштаров Матеј, за жал тие удари не завршија во мрежата на сино-белите од Штип. Најголемата прилика ја пропушти стрелецот на единствениот гол, Ајетовиќ Нуман кој изведе пенал. Кога нема да погодиш од 11.метра, ремито е исход со кој треба да бидеме задоволни на оваа средба од Супер лигата за помлади пионери.
