Јагодина ривал на ЖРК Вардар за утрешниот дуел на меѓународниот турнир во Ѓ.Петров

Од утре започнува меѓународниот пред сезонски ракометен турнир организиран од Ѓорче Петров-ЖРК. На истиот ќе учестуваат домаќинот, нашиот женски сениорски тим, екипите на  Јагодина и Бор од Србија, селекцијата на Чиле(19г.) и прилепскиот тим, екипата на Деспина.

ЖРК Вардар утре го игра првиот дуел против екипата на РК Јагодина од Србија. Термините претрпеа минимални измени од првично закажаните, оваа средба е закажана  со почеток во 19-00 часот. Натпреварот ќе се игра на отворениот терен „Камин Кама“ во Скопје.

Во второто коло играме ден потоа (петок) против Деспина од Прилеп, на истиот терен со почеток во 21-00 часот.