Ангела Насковска: “Јуниор“ лигата е шанса да се прикаже она што се знае и да се научи нешто ново

Викендов продолжуваат возбудувањата од ракометната “Јуниор“ лига.  Ние како медиум кој ги прати случувањата во лигата продолжуваме со промоција на учесниците во лигата. Денес ви ја преставуаме Ангела Насковска , таа има  14 години. Младата вардарка   ракомет тренира од 12 годишна возраст, таа е член на вардаровата школа РК Кузман-Вардар. Ангела настапува на позицијата лев бек, нејзин спортски идол е  ракометарката на Вардар Андреа Лекиќ. Таа како член на ова вардарова школа се натпреварува во “Јуниор“ лигата, која е голем проект на нашиот клуб кој ги опфаќа сите тимови кој се дел од големото црвено-црно ракометно семејство. Насковска за “Јуниор“ лигата и за својте настапи во неа вели:

За мене настапот на Јуниор лигата претставува огромна шанса за сите да го покажат тоа што го знаат, а исто така и да научат нешто ново и да напредуваат. Вардар Јуниор лигата е добро организирана и треба да продолжи да се одржува секоја година. Задоволна сум од својот личен успех секако и од успехот на мојот тим бидејќи добро одгравме на натпреварите од досегашните кола во Јуниор лигата, но секако секогаш може и подобро.

За атмосферата во нивната школа и значењето на тренерскиот двоец Кузмановска-Савов во развојот на младите вардарки таа вели :

Многу задоволна од соработката во нашиот клуб бидејќи сме многу сложни и на секој натпревар се трудиме да ги покажеме сите наши знаења и вештини и да го извлечеме максимумот од нас и секако да победиме  на настапите во “Јуниор“ лигата. Но тоа не би можеле да го направиме без нашите тренери Александра Кузмановска и Александар Савов- изјави Ангела Насковска за нашиот сајт.

МИХАЈЛО ТУШЕВСКИ