Vardar Fans
Кадетската екипа на Вардар Јуниор викендов го одигра четвртото коло во лигата. Избраничките на Анжела Платон беа подобри од Вардар Неготино. Мечот се играше во С.Р.Ц. Кале и заврши со убедлив триумф на црвено-црните, со резултат 28:10. Победникот беше решен уште во првиот дел кога имавме водство од 12:3. Добрата игра во одбраната беше клучниот фактор за овој триумф. Во составот на Вардар Јуниор Ивана Блажевска беше една од подобрите ракометарки, постигнувајќи 3 голови.
-Задоволна сум од играта која ја покажавме на натпреварот против екипата Вардар Неготино. На почетокот постигнавме солидна предност, па така во второто полувреме влеговме со 9 гола предност. Продолживме со истото темпо и на крај натпреварот го добивме со 18 голови и резултат 28:10. Се надевам дека ова е почетокот на нашите многубројни победи, победи кои со многу тренинзи, вложувања ќе не однесат на врвот на табелата, изјави Ивана Блажевска за Вардар фанс.
Звонко Ивановски
