Челинџ куп: Бугарска судиска двојка ќе го суди дуелот Карпати-Вардар јуниор

Екипата на  Вардар Јуниор веќе направи голем  чекор кон историскиот пласман во 1/2-финалето на Челинџ купот. Девојките предводени од  Симе Симовски со предност од 3 гола ќе патуваат на реваншот во Украина, на кој  ќе се обидат да ја елиминираа екипата на Карпати. Првиот дуел заврши со резултат на  22:19, за младите вардарки.

За реванш мечот со украинките кој се игра на 28 февруари во недела во 17-00 часот, европската куќа на ракометот делегираше судиска двојка која доаѓа од нашиот источен сосед Република Бугарија. Марковска Силвија и Јанко Вутов ќе ја делат ракометната правда на овој челинџ дуел.  За ЕХФ делегат на овој реванш натпреварот од 1/4-финалето е делегиран Петер Елес, кои дaоѓа од Унгарија.