Четврта последователна година, ЖРК Вардар во групите од лигата на шампиони

Женскиот ракометен шампион екипата на Вардар четврта година по ред ќе се натпреварува во лигата на шампионите. Во претходниве три сезони игравме на завршниот турнир на најголемото ракометно натпреварување и го освојувавме бронзениот медал. Ова ќе биде нова шанса и четврта среќа за црвено-црните да стигнат до големото финале и до освојување на европската круна. ЕХФ веќе ги одреди шеширите, каде ќе бидат сместени екипите при извлекување на главната ждрепка. Вардарки очекувано се најдоа во првиот шешир и во групната фаза нема да можат да се паднат со екипите на Ѓер, Будуќност и Ларвик.

Шешир 1: Будуќност, Ѓер, Вардар, Ларвик

Шешир 2: ЦСМ Букурешт, Есбјерг, Астраханочка, Турнингер

Шешир 3: Савехоф, Мец, ФТЦ Будимпешта, Митјиланд

Шешир 4: Ростов Дон, победниците од квалификационите групи 1,2 и 3