Цвијиќ и Кузнецова се најдоа меѓу најдобрите летни ТОП-10 трансфери

Трансферите на двете девојки кои од оваа сезона ќе ги бранат боите на скопските црвено-црни, Драгана Цвијиќ и Полина Кузнецова во редовите на вицепрвакот на Европа,  Вардар се сметаат за едни од  најдобрите десет трансфери во женскиот ракомет ова лето. Овој избор е според специјализираниот интернет-веб портал  за ракомет- “Балкан Хендбол“.

Драгана Цвијиќ од редовите на црногорскиот шампион, Будуќност премина во вардариот табор, а   нејзиниот трансфер се наоѓа на второто место на ранг листата.  Полина Кузнецова во редовите на македонскиот шампион дојде од рускиот тим   Кубан и нејзиниот трансфер е осмопласиран на оваа ранг листа.  Според “Балкан Хендбол“ за најдобар трансфер е прогласен преминот  на романската репрезентативка Кристина Неагу, која од  Будуќност замина во ЦСМ Букурешт.